خبریں

 

انتظامیہ نے تحریک انصاف کو سمن آباد میں جلسے کی مشروط اجازت دےدی 

لاہور (مانیٹرنگ ڈیسک )انتظامیہ نے پاکستان تحریک انصاف کو سمن آباد کے علاقے میں واقع ڈونگی گراﺅنڈ میں جلسے کا این اوسی جاری کردیا ہے۔میڈ یا رپورٹس کے مطابق انتظامیہ نے جلسے کے اجازت نامے پر چھیالیس شرائط عائد کی ہیں ۔انتظامیہ نے این او سی میں تحریر کیا ہے کہ جلسے کی سیکیورٹی پلان میں پی ٹی آئی کے عہدیداران انتظامیہ کے ساتھ تعاون کریں گے ۔ضلعی انتظامیہ نے تحریک انصاف کے ذمہ داران سے بیان حلفی بھی لیا ہے جس میں کہا گیا ہے کہ پی ٹی آئی سیکیورٹی خدشات کے باوجود جلسہ کر رہی ہے،جلسے کے دوران کسی بھی نا خوشگوار واقعے کی ذمہ دار پاکستان تحریک انصاف ہو گی ۔

پاکیلئک چین راہداری منصوبہ پاکستان کی اقتصادی ترقی ےنہایت اہم ہے : آئی ایم ایف

واشنگٹن( آن لائن )آئی ایم ایف کا کہنا ہے کہ پاک چین راہداری منصوبہ پاکستان کی اقتصادی ترقی کے لیے بہت اہمیت کا حامل ہے ، منصوبے سے بھرپور فائدہ اٹھانے کے لیے پاکستان کو فنڈز کی فراہمی اور مانیٹرنگ کی بھی ضرورت ہے۔ اپنے ایک انٹرویو میں آئی ایم ایف کے ہیڈ آف مشن برائے پاکستان ہیرلڈ فنگر نے بتایا کہ اصلاحات اور کاروبار دوست ماحول کے ذریعے پاکستان اپنی مسابقت بہتر کر سکتا ہے۔ان کا کہنا تھا کہ پاک چین اقتصادی راہداری منصوبے میں شامل انفرا سٹرکچر پراجیکٹس کو ترجیح دی جائے اور رقم کی فراہمی کو بہتر طریقے سے مانیٹر کیا جائے گا۔انھوں نے مزید کہا کہ منصوبے کی کامیاب تکمیل کے لیے ترجیحات کا تعین ، جانچ پڑتال ، لاگت کا صحیح اندازہ لگانا اور بہتر مالیاتی نظام کی ضرورت ہے۔اس کے علاوہ حکومت پاک چین منصوبے کے لیے فنڈنگ مجموعی بجٹ کے اندر رہ کے کی جائے اور راہداری سے منسلک پاور پراجیکٹس کے معاہدے اس طرح ہوں کے جس سے بجٹ اہداف متاثر نہ ہوں۔

سائنسدانوں نے ماضی کی غلطیوں سے سیکھنے کا اصول غلط قراردے 

لندن: عام طور پر ہر معاشرے میں یہ بات عام ہے کہ انسان اپنی ماضی کی غلطیوں سے سکیھتا ہے اور آئندہ بہتر فیصلے کرتا ہے لیکن اب ایک نئی تحقیق میں سائنس دانوں نےاس سوچ کو غلط قرار دیتے ہوئے دعویٰ کیا ہے کہ ماضی سے متعلق سوچنے سے انسان غمگین اور پریشان ہوجاتا ہے جو اسے عمل  سے روک سکتا ہے۔

برطانوی وینڈربلٹ یونیورسٹی کی کنزیومر سائیکالوجی جنرل میں شائع ہونے والی تحقیق میں کہا گیا ہے کہ ماضی کی غلطیوں یا ناکامیوں کے گڑھے مردے اکھاڑنے سے انسان خود سے بیزار ہوجاتا ہے۔ تحقیق کے معاون ریسرچر کیلی ہاس کا کہنا ہے کہ ماضی سے متعلق سوچنے سے انسان غلطیوں سے سیکھنے کی بجائے ان پر نادم ہوکر پریشان ہوجاتا ہے جس کی وجہ سے وہ مستقبل کے بارے میں درست فیصلے نہیں کرپاتے اس لیے آگے کی جانب دیکھنا اور مستقبل کے بارے میں سوچنا ہی آگے بڑھنے کا زیادہ موثرطریقہ ہے۔ ان کا کہنا تھا کہ مثال کے طورپرآپ 700 ڈالر کے قیمتی جوتے اس لیے نہیں خریدتے کہ آپ کو یورپ کی سیر کو جانا ہے یا پھر پارٹی پر جانے کی بجائے آپ اپنی اسٹڈی کو اہمیت دیتے ہیں تاکہ ٹیسٹ میں اچھا اسکور کرسکیں۔

تحقیق کے لیے سائنس دانوں نے لوگوں کو دو گروپس میں تقسیم کیا اورایک سے پوچھا کہ وہ اپنی کامیابیوں کو یاد کریں اور دوسرے گروپ سے کہا کہ وہ اپنی ناکامیوں کو سامنے لائیں جبکہ ان سے کہا کہ وہ اس کے لیے اپنی زندگی کی مختلف کہانیاں یاد کریں پھر انہیں ایک بجٹ دیا گیا اور کہا گیا کہ وہ اس میں سے ان چیزوں پر کتنا خرچ کریں گے جسے وہ خریدنے کی قوت نہیں رکھتے مثال کے طور پر جوتے یا ویڈیو گیمز۔ نتائج سے ثابت ہوا کہ جن لوگوں نے اپنی کامیابیوں کو سامنے رکھ کر فیصلہ کیا انہوں نے اپنے بجٹ کا بہترین استعمال کیا جبکہ جنہوں نے ناکامیوں کو سامنے رکھا وہ زیادہ تر فضول خرچ ثابت ہوئے اور کامیاب فیصلہ نہ کرسکے۔

کیلی ہاس کا کہنا تھا کہ اگر آپ خود پر بہتر کنٹرول رکھنا چاہتے ہیں تو مستقبل پر نظر رکھیں نہ کہ ماضی میں جھانکیں۔